ရန်ကုန်တိုင်း ဒေသကြီး အတွင်း သို့ နယ်မှ လိပ်စာပြောင်း ( နယ်ဝင်) လျှောက်ထားခြင်း အတွက် Car Parking ထောက်ခံချက် လျှောက်လွှာ

Fri, 05/22/2015 - 14:51
RATE IT :
Total votes: 1061

လိုအပ်ချက်
 လျှောက်လွှာ
မှတ်ပုံတင် မိတ္တူ
သန်းခေါင် စာရင်း

စည်းကမ်းချက်များ
ရန်ကုန်တိုင်း ဒေသကြီး အတွင်း မော်တော်ယာဉ် တင်သွင်း ၀ယ်ယူခွင့် လျှောက်ထားခြင်း အတွက် Car Parking ထောက်ခံချက် ထုတ်ပေးရန် မြို့နယ် စိစစ်ရေး အဖွဲ့များမှ ကွင်းဆင်း စစ်ဆေးရန် အချက်များ

  • အဆိုပြု လိပ်စာမှာ သက်ဆိုင်ရာမြို့နယ် လူဝင်မှု ကြီးကြပ်ရေးနှင့် အမျိုးသား မှတ်ပုံတင်ရေး ဦးစီး ဌာနမှ တရားဝင် ထုတ်ပေးထားသော အိမ်ထောင်စု စာရင်းတွင် လျှောက်ထားသူ ပါဝင်သည့် လိပ်စာဖြစ်ရမည်။
  • Car Parking နေရာသည် လျှောက်ထားသူ နေထိုင်သည့် မြို့နယ်တွင် မဟုတ်ဘဲ အခြားမြို့နယ်တွင် ဖြစ်ပါက ရန်ကုန်မြို့တော် စည်ပင် သာယာရေး နယ်နမိတ် အတွင်း ဒလမြို့နယ်နှင့် ဆိပ်ကြီးခနောင်တိုမြို့နယ်မပါ ကျန်(၃၁)မြို့နယ်တွင်ဖြစ်ရမည်။ Car Parking ရှိရာ သက်ဆိုင်ရာမြို့နယ် စိစစ်ရေး အဖွဲ့၏ ထောက်ခံချက်ဖြင့် မိမိ နေထိုင်ရာမြို့နယ်တွင် လျှောက်ထားရမည်။
  • အဆိုပြု လိပ်စာသည် လျှောက်ထားသူ၏ ကိုယ်ပိုင် မဟုတ်ဘဲ အငှား နေထိုင်ခြင်း ဖြစ်ပါက ပိုင်ရှင် ခွင့်ပြုချက် တင်ပြနိုင်ရမည်။
  • အဆိုပြု နေရာသည် လျှောက်ထားသည့် လိပ်စာပါ ကိုယ်ပိုင်မြေပေါ်ရှိ ၀င်းခြံ ဥပစာ အတွင်း(သို့) ကွန်ဒို တိုက်ခန်းများ အတွက် သီးသန့် သတ်မှတ် ပေးထားသော Parking Area များ အတွင်းတွင်သာ ဖြစ်ရ မည်။ Car Parking မပါ ရှိသော လူနေ တိုက်ခန်းများ၊ စည်ပင်သာယာပိုင် လမ်းမြေနှင့် အများပြည်သူများ အသုံးပြုရန် သတ်မှတ်ထား သော နေရာများတွင် မဖြစ်စေရ။
  • အဆိုပြု နေရာသို့ မော်တော်ယာဉ်အား မောင်းနှင်/၀င်ထွက်နိုင်သော နေရာ ဖြစ်ရမည်။
  • လျှာက်ထားသည့် မော်တော်ယာဉ် အုပ်စု အလိုက် အောက်ပါ အတိုင်း အနည်းဆုံး ဧရိယာ တင်ပြ နိုင်ရမည်။
    (က) Saloon, Van, Mini Wagon အစရှိသည့် ယာဉ်ငယ်များ အတွက် အလျား ၁၅’ x အနံ ၈’ (၁၂၀ စတုရန်းပေ)
    (ခ) Wagon, Hatch back, Double cab, Pick up, Light truck ယာဉ်များ အတွက် အလျား ၂၀’ x အနံ ၁၀’ (၂၀၀ စတုရန်းပေ)
    (ဂ) Truck, Bus ကဲ့သို့ လုပ်ငန်းသုံး ယာဉ်ကြီးများ အတွက် အလျား ၂၈’ x အနံ ၁၀’ (၂၈၀ စတုရန်းပေ)
  • အဆိုပြု လိပ်စာတွင် မော်တော်ယာဉ်(၁)စီး ထက် ပိုမို ထားရှိပြီးဖြစ်ပါက ယခင်ရှိပြီး မော်တော်ယာဉ်များ အတွက် နေရာ ချန်လှပ်ပြီးမှ ထပ်မံ တင်ပြ လျှောက်ထားသည့် မော်တော်ယာဉ် အတွက် နေရာရှိ/မရှိ စိစစ် ခွင့်ပြုရမည်။
  • အဆိုပြု နေရာ တစ်နေရာ အတွက် ၀င်ဆံ့သည့် ကားအရေအတွက် ထက် မော်တော်ယာဉ် အစီးရေ ပိုမို ထောက်ခံခြင်း မပြုရ။
  • တရားဝင် ခွင့်ပြုချက် ရရှိပြီး အများပြည်သူသုံး ကားပါကင်များတွင် ထားရှိရန် အဆိုပြု ပါကလည်း ကားပါကင် ပိုင်ရှင်၏ သဘောတူ ခွင့်ပြုချက် ရရှိပါက စိစစ် ခွင့်ပြုနိုင်သည်။